Gulmohi qafas xo'jaligi
Bugungi kunda gulmohi baliqlari iste’molchilar, baliqni qayta ishlovchilar va HoReCa sohasida eng mashhur losos oilasi vakili hisoblanadi. Bu nimasi bilan ajralib turadi? Gulmohi go‘shti foydali moddalar va kislotalar tarkibi bo‘yicha juda muvozanatli bo‘lib, ta’mi shirador va ayni paytda ba’zi losos turlariga nisbatan yog‘sizroq. Gulmohi go‘shti ko‘plab vitaminlar (A, D, B12) va muhim aminokislotalarga boy. Qizil baliq turi sifatida gulmohi boshqa baliq turlariga nisbatan ko‘plab afzalliklarga ega. Asosiy afzalligi shundaki, gulmohi go‘shti organizm uchun juda zarur bo‘lgan tabiiy moddalar — omega-3 yog‘ kislotalariga juda boy. Taomnoma tarkibida ushbu moddalar yetarli bo‘lsa, qon tarkibidagi xolesterin darajasi normal holatda bo‘ladi, qon tomirlari esa mustahkam va elastik saqlanadi.
Gulmohi baliqlarini yetishtirishdagi asosiy xususiyat – ular uchun qulay bo‘lgan suv harorati, ya’ni 17°C gacha bo‘lishidir. Toshkent viloyatining tog‘ etaklari, xususan Bo‘stonliq tumani, “Chimbaylik” MFY, baliq yetishtirish uchun eng maqbul hudud hisoblanadi — nafaqat suv harorati, balki qafaslar joylashuvi nuqtai nazaridan ham (suv oqimi bo‘yicha yuqorida sanoat korxonalari yo‘q, kimyoviy chiqindilar chiqarilmaydi). Bundan tashqari, suv tarkibi kislorodga boy bo‘lib, bu holat baliq go'shtining sifati uchun muhim omildir.
Golden Fish tomonidan yetishtirilgan gulmohi O‘zbekiston ichki bozorida katta mashhurlikka ega bo‘lib, hozirda xorijiy bozorlarni ham zabt eta boshladi — xususan, Qirg‘iziston, Tojikiston, Qozog‘iston, Rossiya va Ozarbayjon kabi davlatlarga eksport qilinmoqda. Bu bejizga emas. Ekologik toza sharoitda parvarishlangan, sifatli yem bilan oziqlantirilgan va doimo yangi bo‘lgan bunday baliq haqiqiy baliq mahsulotlari ishqibozlarini befarq qoldirmaydi.
Yosh baliqlar
Gulmohi xo'jaligida mahalliy iqlim sharoitiga to'liq moslashgan naslchilik guruhi shakllantirilgan. Ular kuchli immunitetga ega bo'lib, bu esa yosh baliqlarning yashovchanligiga ijobiy ta'sir ko'rsatadi va ularning boshqa xo'jaliklar hamda xorijiy mamlakatlarga eksport qilinishiga imkon yaratadi.
Golden Fish — Markaziy Osiyoda rasmiy ro‘yxatdan o‘tgan va baliqchalar (yosh baliqlar) yetishtirish huquqiga ega bo‘lgan yagona pitomnik.
Ta'kidlash joizki, yemning sifati mahsulot sifatiga bevosita ta'sir ko'rsatadi. Shu sababli, biz Yevropaning eng yaxshi brendlaridan biri — Skretting kompaniyasining yemini tanlaymiz. Bu yem barcha talab va standartlarga javob beradi hamda "Halol" sertifikatiga ega. Ushbu yem past yem koeffitsienti bilan ajralib turadi, bu esa baliqlarning tez o'sishini ta'minlaydi. Bundan tashqari, baliq chiqindilarining muallaq zarrachalari tufayli suvning ifloslanishi kamayadi. Shu tariqa, oziq moddalar yaxshiroq o'zlashtiriladi, suv sifati o'zgarmaydi va yem parchalanmaydi.
Shuningdek, Skretting kompaniyasining mutaxassislari muntazam ravishda fermamizga tashrif buyurib, mustaqil veterinariya monitoringini o'tkazadilar — baliqlarning sog'lig'i, tashqi ko'rinishi, qon aylanish tizimi, yog' nisbatlari va umumiy holatini tekshiradilar. Bu esa har doim balanslangan, aniq ehtiyojlarga mos keladigan yemlarni ta'minlashga yordam beradi.